റിയാദ് അന്താരാഷ്ട്ര പുസ്തകമേളയ്ക്ക് ഇന്ന് തിരി തെളിയും; പ്രവാസികള്‍ക്ക് പുസ്തകവിരുന്നൊരുക്കാന്‍ ഡി സി ബുക്‌സും
റിയാദിലെ പ്രവാസിലോകത്തിന് പുസ്തകങ്ങളുടെയും വായനയുടെയും ഉത്സവകാലമൊരുക്കിക്കൊണ്ട് റിയാദ് സാംസ്‌കാരിക മന്ത്രാലയം ഒരുക്കുന്ന റിയാദ് അന്താരാഷ്ട്ര പുസ്തകമേളക്ക് ഇന്ന് (29 സെപ്റ്റംബർ 2022) തുടക്കമാകും. റിയാദ് ഫ്രണ്ട് മാളില്‍ ഒക്ടോബര്‍ 8 വരെയാണ് പുസ്തകമേള നടക്കുന്നത്. വൈവിധ്യമാര്‍ന്ന പുസ്തകങ്ങളുടെ ശേഖരവുമായി പുസ്തകമേളയില്‍ ഈ വര്‍ഷവും ഡി സി ബുക്സ് പങ്കെടുക്കുന്നു.
ഡി സി ബുക്സ് ‘മലയാള അക്ഷരമാല’, ‘മാംഗോ ബുക്സ് ഓഫ് ആല്‍ഫബെറ്റ്സ്’, ജയ് എന്‍.കെ യുടെ ‘റോയല്‍ മാസെക്കര്‍ എന്നീ പുസ്തകങ്ങൾ പുസ്തകമേളയിൽ വെച്ച് പ്രകാശനം ചെയ്യും. കൂടാതെ ലക്കി ഡ്രോ മത്സരങ്ങള്‍, കുട്ടികള്‍ക്കായി ചിത്രരചനാ മത്സരങ്ങള്‍ എന്നിവ പുസ്തകമേളയോടനുബന്ധിച്ച് ഡി സി ബുക്സ് സംഘടിപ്പിച്ചിട്ടുണ്ട്. 48-ാം വാര്‍ഷികാഘോഷങ്ങളുടെ ഭാഗമായി ഡി സി ബുക്സ് പ്രസിദ്ധീകരിച്ച എല്ലാ പുസ്തകങ്ങളും ഡി സി ബുക്സ് സ്റ്റാളില്‍ ലഭ്യമാകും. എല്ലാ പുസ്തകങ്ങളും 20% വിലക്കിഴിവില്‍ വായനക്കാര്‍ക്ക് സ്വന്തമാക്കാവുന്നതാണ്.
Comments are closed.