കുട്ടിക്കഥാപുസ്തകം ‘പൂമ്പാറ്റ’
അക്ഷരങ്ങളുടെ ലോകത്തേക്ക് പ്രവേശിക്കുന്ന കുട്ടികള്‍ക്കായി ഷൈനി വി.റ്റി. എഴുതിയ രസകരവും ലളിതവുമായ കുട്ടിക്കഥാപുസ്തകമാണ് പൂമ്പാറ്റ. പഠനം ഒരു ഭാരമാകാതെ രസകരമാക്കുവാന്‍ ശ്രമിക്കുകയാണ് പൂമ്പാറ്റയിലൂടെ. പലവുരു പറഞ്ഞും കണ്ടും കേട്ടും അക്ഷരങ്ങളെ മനസ്സില്‍ പതിപ്പിക്കുവാന്‍ ഈ പുസ്തകത്തിലെ ഓരോ കഥകളും സഹായിക്കുന്നു.
അക്ഷരങ്ങളുടെ ഇരട്ടിപ്പു കൊണ്ടുള്ള ആഖ്യാനത്തിലൂടെ മാതാപിതാക്കള്‍ക്കും അധ്യാപകര്‍ക്കും കുട്ടികളെ അക്ഷരങ്ങള്‍ക്കൊപ്പം ആനയിക്കുവാന്‍ സഹായിക്കുന്ന മികച്ച കഥാപുസ്തകമാണിത്.
പുസ്തകത്തിന് ഷൈനി വി.റ്റി. എഴുതിയ ആമുഖക്കുറിപ്പ്..
കുട്ടികള്‍ അക്ഷരം പഠിക്കുന്ന പ്രായത്തില്‍ത്തന്നെ അക്ഷരങ്ങളും അവയുടെ ഇരട്ടിപ്പുകളും അവരുടെ മനസ്സില്‍ ഉറയ്ക്കുന്നതിനും താളാത്മകമായി ഗദ്യഭാഗങ്ങള്‍ ഒഴുക്കോടെ വായിക്കുന്നതിനും പരിശീലിക്കുന്നതിനായി തയ്യാറാക്കിയിട്ടുള്ള അക്ഷരകഥകളാണ് ഈ പുസ്തകം. ഒരു അക്ഷരത്തില്‍ നിന്നും ആരംഭിക്കുന്ന വാക്കുകളാല്‍ ഒരു കഥ മുഴുവന്‍ പറയുക എന്നത് കുട്ടികള്‍ക്ക് അത്യധികം നൂതനവും കൗതുകവുമാര്‍ന്ന അനുഭവമായിരിക്കും. മാതാപിതാക്കള്‍ ഈ കഥകള്‍ കുട്ടികള്‍ക്ക് താളാത്മകമായി വായിച്ചുകൊടുക്കാന്‍ ശ്രദ്ധിക്കുമല്ലോ..
Comments are closed.