പുസ്തകങ്ങളുടെ ഹോം ഡെലിവറിയ്ക്ക് സർക്കാർ അനുമതി
ലോക്ക്ഡൗൺ ദിനങ്ങളിൽ പുസ്തകപ്രേമികൾക്ക് ആശ്വാസമായി പുസ്തകങ്ങളുടെ ഹോം ഡെലിവറിക്ക്‌ അനുമതി. കോവിഡ് 19 അവലോകന യോഗത്തിന് ശേഷം പുറത്തിറക്കിയ വാർത്താക്കുറിപ്പിലാണ് ഇക്കാര്യം അറിയിച്ചത്.
കേരള പബ്ലിഷേഴ്സ് ആന്റ് ബുക്ക് സെല്ലേഴ്സ് അസോസിയേഷനുവേണ്ടി പ്രസിഡണ്ട് രവി ഡി സി യുടെ അഭ്യർത്ഥനയെ തുടർന്നാണ് സർക്കാർ തീരുമാനം.
സർഗാത്മകതയുടെ ഭാവിയും എഴുത്തുകാരുടെ വരുമാനത്തെയും പതിനായിരക്കണക്കിനുള്ള തൊഴിലാളി വിഭാഗത്തെയും നിലവിലെ പ്രതിസന്ധി ബാധിക്കാതിരിക്കാൻ ഒരു പരിധി വരെ ഈ തീരുമാനം സഹായകമാകും.
ഓൺലൈൻ ആഹാര വിപണന ശൃംഗലയായ Swiggy വഴിയും പുസ്തകങ്ങൾ ഓർഡർ ചെയ്യാം. പുസ്തകശാലകളിലെ ജീവനക്കാര്‍ക്കും പുസ്തകങ്ങള്‍ നേരിട്ട് ആവശ്യക്കാരുടെ വീടുകളില്‍ എത്തിച്ച് നല്‍കാനും ഇതോടെ അനമതിയായി.
Comments are closed.