‘ഒരുവട്ടംകൂടി എന്റെ പാഠപുസ്തകങ്ങള്‍’ വായനക്കാര്‍ക്കായി ഒരിക്കല്‍കൂടി
പ്രിയവായനക്കാരുടെ നിരന്തരമായ അഭ്യര്‍ത്ഥന മാനിച്ച് ഡി സി ബുക്‌സ് പുറത്തിറക്കിയ ഒരുവട്ടംകൂടി എന്റെ പാഠപുസ്തകങ്ങള്‍ സ്വന്തമാക്കാന്‍ വായനക്കാര്‍ക്ക് വീണ്ടും അവസരം ഒരുങ്ങുന്നു. പുസ്തകസമാഹാരം സ്വന്തമാക്കാന്‍ ഇതുവരെ സാധിക്കാത്തവര്‍ക്കായി വീണ്ടും ഒരവസരം കൂടി ഒരുക്കുകയാണ് പ്രീബുക്കിങ്ങിലൂടെ.
ബാല്യകാലത്തെ എണ്ണിയാലൊടുങ്ങാത്ത അമൂല്യസ്മരണകളെ വീണ്ടും ഓര്‍ത്തെടുക്കാനും കൊതിയോടെ വായിക്കാനും ആസ്വദിക്കാനും എന്നെന്നും സൂക്ഷിച്ചുവെക്കാനുമുള്ള ഒരു അപൂര്‍വ്വസമ്മാനമാണ് ഒരുവട്ടംകൂടി എന്റെ പാഠപുസ്തകങ്ങള്‍. ഡി.സി കിഴക്കെമുറി ഭാഷാപഠന ഗവേഷണ കേന്ദ്രത്തിന്റെ ആഭിമുഖ്യത്തില്‍ മലയാളത്തിലെ ആദ്യകാല കൃതികള്‍ ശേഖരിക്കുകയും സംരക്ഷിക്കുകയും പുനഃപ്രസിദ്ധീകരിക്കുകയും ചെയ്യുന്നതിന്റെ ഭാഗമായാണ് ഒരുവട്ടംകൂടി എന്റെ പാഠപുസ്തകങ്ങള്‍ പ്രസിദ്ധപ്പെടുത്തിയിരിക്കുന്നത്.
മൂന്ന് വാല്യങ്ങളിലായി 3,333 പേജില്‍ തയ്യാറാക്കിയ പുസ്തകത്തിന്റെ കോപ്പികള്‍ നവംബര്‍ 1 മുതല്‍ 30 വരെയാണ് പ്രീബുക്ക് ചെയ്യാന്‍ സൗകര്യം ഒരുക്കിയിരിക്കുന്നത്. 3499 രൂപ മുഖവിലയുള്ള പുസ്തകം 2499 രൂപയ്ക്ക് ഇപ്പോള്‍ വായനക്കാര്‍ക്ക് പ്രീബുക്ക് ചെയ്യാവുന്നതാണ്.
നവംബര്‍ 1 മുതല്‍ നവംബര്‍ 30 വരെ കേരളത്തിലുടനീളമുള്ള എല്ലാ ഡി സി ബുക്‌സ്/ കറന്റ് ബുക്‌സ് ശാഖകളിലും പ്രീബുക്ക് ചെയ്യാവുന്നതാണ്. ഡി സി ബുക്‌സിന്റെ ഓണ്‍ലൈന്‍ ബുക്ക് സ്‌റ്റോറിലും പുസ്തകം പ്രീബുക്ക് ചെയ്യാന്‍ അവസരം ഒരുക്കിയിട്ടുണ്ട്. കൂടാതെ 9947055000 എന്ന മൊബൈല്‍നമ്പരില്‍ വിളിച്ചും വായനക്കാര്‍ക്ക് പ്രീബുക്ക് ചെയ്യാവുന്നതാണ്.
Comments are closed.