സാഹിത്യത്തിനുള്ള നൊബേല്‍ പുരസ്‌കാരം ഓള്‍ഗ തൊഗര്‍സൂവിനും പീറ്റര്‍ ഹാന്‍കെയ്ക്കും
2018-ലേയും 2019-ലേയും സാഹിത്യ നൊബേല്‍ പുരസ്കാരങ്ങള് പ്രഖ്യാപിച്ചു. 2018-ലെ പുരസ്‌കാരത്തിന് പോളിഷ് എഴുത്തുകാരി ഓള്‍ഗ തൊഗര്‍സൂവും 2019-ലെ പുരസ്‌കാരത്തിന് ഓസ്ട്രിയന്‍ എഴുത്തുകാരന്‍ പീറ്റര്‍ ഹാന്‍കെയും അര്‍ഹരായി.
2018-ലേയും 2019-ലേയും പുരസ്കാരങ്ങള് ഒന്നിച്ചാണ് ഇത്തവണ സ്വീഡിഷ് അക്കാദമി പ്രഖ്യാപിച്ചത്. ലൈംഗികാരോപണങ്ങളേയും സാമ്പത്തിക അഴിമതികളേയും തുടര്‍ന്ന് നൊബേല്‍ സമ്മാനം നല്‍കുന്നില്ലെന്നായിരുന്നു അക്കാദമിയുടെ കഴിഞ്ഞ വര്‍ഷത്തെ തീരുമാനം. തുടര്‍ന്ന് ഇത്തവണ രണ്ടു വര്‍ഷങ്ങളിലെയും പുരസ്കാരങ്ങള് ഒരുമിച്ച് പ്രഖ്യാപിക്കുകയായിരുന്നു.
പോളിഷ് എഴുത്തുകാരിയും ആക്ടിവിസ്റ്റുമായ ഓള്‍ഗ തൊഗര്‍സൂ 2018-ലെ മാന്‍ ബുക്കര്‍ ഇന്റര്‍നാഷണല്‍ പുരസ്‌കാരത്തിന് അര്‍ഹയായ വ്യക്തിയാണ്. ഓള്‍ഗയുടെ കൃതികള്‍ നിരവധി ഭാഷകളിലേക്ക് വിവര്‍ത്തനം ചെയ്യപ്പെട്ടിട്ടുണ്ട്.
രണ്ടാം ലോകമഹായുദ്ധത്തിനു ശേഷം യൂറോപ്പിലെ ഏറ്റവും സ്വാധീനിക്കപ്പെട്ട എഴുത്തുകാരിലൊരാളായാണ് പീറ്റര്‍ ഹാന്‍കെയെ നിരൂപകര്‍ വിലയിരുത്തുന്നത്. നോവലിസ്റ്റും വിവര്‍ത്തകനുമായ പീറ്റര്‍ ഹാന്‍കെ പഠനകാലത്ത് തന്നെ ഒരു എഴുത്തുകാരനായി പ്രശസ്തി നേടിയ വ്യക്തിയാണ്. നിരവധി സിനിമകള്‍ക്കും അദ്ദേഹം തിരക്കഥയെഴുതിയിട്ടുണ്ട്.
BREAKING NEWS:
The Nobel Prize in Literature for 2018 is awarded to the Polish author Olga Tokarczuk. The Nobel Prize in Literature for 2019 is awarded to the Austrian author Peter Handke.#NobelPrize pic.twitter.com/CeKNz1oTSB— The Nobel Prize (@NobelPrize) October 10, 2019
Comments are closed.