മുതുകുളം പാർവ്വതി അമ്മ സാഹിത്യ പുരസ്കാരം വി.കെ. ദീപയ്ക്ക്

ഈ വർഷത്തെ മുതുകുളം പാർവ്വതി അമ്മ സാഹിത്യ പുരസ്കാരം വി.കെ.ദീപയ്ക്ക് . ഡി സി ബുക്സ് പ്രസിദ്ധീകരിച്ച
വി.കെ. ദീപയുടെ ‘വുമൺ ഈറ്റെഴ്‌സ് ‘ എന്ന പുസ്തകത്തിനാണ് പുരസ്കാരം. 15,000 രൂപയും പ്രശസ്തിപത്രവുമടങ്ങുന്ന പുരസ്കാരം ജനുവരി 26ന് മുതുകുളത്തു ചേരുന്ന സമ്മേളനത്തിൽ എ.എം. ആരിഫ് എം.പി സമ്മാനിക്കും.

“വിവിധ ആഴ്ചപ്പതിപ്പുകളില്‍ വന്ന പതിനൊന്നു കഥകളാണ് ‘വുമൺ ഈറ്റെഴ്‌സ് ‘ . ഒരേ സമയം ശാന്തവും അടുത്ത നിമിഷം പ്രക്ഷുബ്ധവുമാകുന്ന കഥകള്‍. വ്യത്യസ്തങ്ങളായ ജീവിതങ്ങളിലേക്കുള്ള യാത്രകളാണ് ഓരോ കഥയും. സ്ത്രീജീവിതങ്ങളുടെ ഒറ്റപ്പെടലും അതിജീവനവും സമര്‍ഥമായി ആവിഷ്കരിക്കുന്ന വി കെ ദീപ, തന്‍റെ കഥകളെ ദൃഢമായൊരു സാമൂഹ്യപ്രസക്തിയുടേതന്നെ അഗ്നിവാഹകരാക്കുകയാണ്.

പുസ്തകം വാങ്ങാന്‍ ക്ലിക്ക് ചെയ്യൂ