വായനാവാരം വായനാതാരത്തില്‍ ഇന്ന് മഞ്ജു വാര്യര്‍
വായനാവാരാഘോഷങ്ങളോടനുബന്ധിച്ച് ഡിസി ബുക്‌സ് സംഘടിപ്പിക്കുന്ന വായനാവാരം വായനാതാരത്തില്‍ ഇന്ന് മഞ്ജു വാര്യര്‍ പങ്കെടുക്കും. സ്വാഭാവിക അഭിനയംകൊണ്ടും പ്രതിഭകൊണ്ടും കഴിവു തെളിയിച്ച അഭിനേത്രിയാണ് മലയാളികളുടെ പ്രിയതാരം മഞ്ജു വാര്യര്‍. സ്ത്രീത്വത്തിന്റെ ഭിന്ന ഭാവങ്ങളെ വെളിപ്പെടുത്തുന്ന മുഹൂര്‍ത്തങ്ങളിലൂടെ മലയാള കഥാലോകത്തെ വിസ്മയിപ്പിച്ച മാധവിക്കുട്ടിയുടെ മനോഹരമായ കഥ ‘നെയ്പ്പായസം’ ആരാധകര്‍ക്കായി താരം പരിപാടിയില്‍ വായിക്കും. ഒരിക്കല്‍ അഭ്രപാളിയില്‍ മാധവിക്കുട്ടിയായി എത്തി ആരാധകരെ അത്ഭുതപ്പെടുത്തിയ താരം ഇന്നിതാ മാധവിക്കുട്ടിയുടെ കഥ ആരാധകര്‍ക്കായി വായിക്കുന്നു.
വൈകുന്നേരം ആറരയ്ക്ക് ഡിസി ബുക്‌സ് ഔദ്യോഗിക യൂട്യൂബ്, ഫേസ്ബുക്ക്, ഇന്‍സ്റ്റഗ്രാം പേജുകളിലൂടെ പ്രിയവായനക്കാര്‍ക്ക് പരിപാടിയുടെ ഭാഗമാകാം.
‘വായനാവാരം വായനാതാരം ’ ആസ്വദിക്കാന്‍ ഡിസി ബുക്‌സ് ഫേസ്ബുക്ക്, യൂ ട്യൂബ് പേജുകള്‍ സബ്‌സ്‌ക്രൈബ് ചെയ്യൂ.
മാധവിക്കുട്ടിയുടെ ഞങ്ങള്‍ പ്രസിദ്ധീകരിച്ച കൃതികള്‍ക്കായി സന്ദര്‍ശിക്കുക
Comments are closed.