കുമാരനാശാന്റെ ജന്മവാര്‍ഷികദിനം
മഹാകാവ്യം രചിക്കാതെ മഹാകവിയായ കുമാരനാശാന്‍ അഞ്ചുതെങ്ങിനു സമീപമുള്ള കായിക്കരയില്‍ 1873 ഏപ്രില്‍ 12ന് ജനിച്ചു. കുമാരു എന്നായിരുന്നു പേര്. പതിനാലാം വയസില്‍ സര്‍ക്കാര്‍ മലയാളം പള്ളിക്കൂടത്തില്‍ അധ്യാപകനായി. ജോലി ഉപേക്ഷിച്ച് സംസ്‌കൃതപാഠശാലയില്‍ ചേര്‍ന്ന് സംസ്‌കൃതപഠനം ആരംഭിച്ചു. ഈ കാലഘട്ടത്തിലാണ് ശ്രീനാരായണഗുരുവുമായി പരിചയപ്പെട്ടതും അദ്ദേഹത്തിന്റെ ശിക്ഷ്യനാകുന്നതും.
1907 നവംബറില്‍ വീണപൂവ് പ്രസിദ്ധീകരിച്ചതോടെയാണ് ആശാന്‍ പ്രസിദ്ധനായത്. മലയാള കവിതാചരിത്രത്തില്‍ കാല്പനിക പ്രസ്ഥാനത്തിന്റെ നാന്ദിയായി വീണപൂവിനെ ഗണിക്കുന്നു. ബാലരാമായണം, പുഷ്പവാടി, ലീല, നളിനി അഥവാ ഒരു സ്‌നേഹം, ചണ്ഡാലഭിക്ഷുകി, ദുരവസ്ഥ, പ്രരോദനം, ചിന്താവിഷ്ടയായ സീത തുടങ്ങിയവയാണ് പ്രധാനകൃതികള്‍.
1903ല്‍ ശ്രീനാരായണ ധര്‍മ്മപരിപാലനയോഗം സ്ഥാപിച്ചപ്പോള്‍ കുമാരനാശാനായിരുന്നു അതിന്റെ സെക്രട്ടറി. യോഗത്തിന്റെ മുഖുപത്രമായി പ്രസിദ്ധീകരിക്കപ്പെട്ട വിവേകേദയത്തിന്റെ പത്രാധിപരും അദ്ദേഹമായിരുന്നു. 1922ല്‍ നിയമസഭാംഗമായി. 1922ല്‍ വെയില്‍സ് രാജകുമാരന്‍ പട്ടും വളയും സമ്മാനിച്ചു. 1924 ജനുവരി 16ന് ബോട്ട് അപകടത്തില്‍ കൊല്ലപ്പെട്ടു.
Comments are closed.