കണ്ണശ്ശ സ്മാരക പുരസ്‌കാരം പ്രൊഫ. പി.മാധവന്‍ പിള്ളയ്ക്ക്
തിരുവല്ല: കണ്ണശ്ശ സ്മാരക ട്രസ്റ്റിന്റെ കണ്ണശ്ശ സ്മാരകപുരസ്‌കാരം വിവര്‍ത്തന സാഹിത്യകാരന്‍ പ്രൊഫ.പി.മാധവന്‍ പിള്ളയ്ക്ക്. 15,001 രൂപയും ഫലകവും പ്രശസ്തിപത്രവും അടങ്ങുന്നതാണ് പുരസ്‌കാരം.
ഓഗസ്റ്റ് 30-ാം തീയതി കടപ്ര കണ്ണശ്ശ സ്മാരക സ്‌കൂളില്‍ നടക്കുന്ന കണ്ണശ്ശ ദിനാചരണത്തില്‍ കേരള സാഹിത്യ അക്കാദമി സെക്രട്ടറി ഡോ.കെ.പി മോഹനന്‍ പുരസ്‌കാരം സമ്മാനിക്കും. മാത്യു ടി.തോമസ് എം.എല്‍.എ സമ്മേളനം ഉദ്ഘാടനം ചെയ്യും.
ട്രസ്റ്റിന്റെ നേതൃത്വത്തില്‍ 28,29 തീയതികളില്‍ തിരുവല്ല ഡയറ്റില്‍ ഒരു സംസ്ഥാന ശില്പശാലയും സംഘടിപ്പിക്കുന്നുണ്ട്. 28-ാം തീയതി രാവിലെ 10 മണിക്ക് കവി എന്‍.പ്രഭാവര്‍മ്മ ശില്പശാല ഉദ്ഘാടനം ചെയ്യും. കവി കുരീപ്പുഴ ശ്രീകുമാറിന്റെ സെമിനാറും ശില്പശാലയുടെ ഭാഗമായി സംഘടിപ്പിച്ചിട്ടുണ്ട്.
Comments are closed.