കാക്കനാടന്‍ സ്മൃതിയും നോവല്‍ ചര്‍ച്ചയും ഒക്ടോബര്‍ 19-ന്
തൃശ്ശൂര്‍: അന്തരിച്ച പ്രശസ്ത സാഹിത്യകാരന്‍ കാക്കനാടന്റെ സ്മരണാര്‍ത്ഥം സദസ്സ് തൃശ്ശൂരിന്റെ ആഭിമുഖ്യത്തില്‍ കാക്കനാടന്‍ സ്മൃതിയും നോവല്‍ ചര്‍ച്ചയും സംഘടിപ്പിക്കുന്നു. കാക്കനാടന്റെ ചരമവാര്‍ഷികദിനമായ ഒക്ടോബര്‍ 19-ന് വൈകിട്ട് അഞ്ച് മണിക്ക് സാഹിത്യ അക്കാദമിയിലെ വൈലോപ്പിള്ളി ഹാളില്‍ സംഘടിപ്പിക്കുന്ന സ്മൃതി പ്രഭാഷണം പ്രശസ്ത എഴുത്തുകാരന്‍ പി.സുരേന്ദ്രന്‍ നിര്‍വ്വഹിക്കും. എഴുത്തും നിലപാടും എന്ന വിഷയത്തിലാകും സ്മൃതിപ്രഭാഷണം നടത്തുക.
അഷ്ടമൂര്‍ത്തി (പ്രസിഡന്റ്, സദസ്സ് തൃശ്ശൂര്‍) പരിപാടിയില്‍ അദ്ധ്യക്ഷത വഹിക്കും. തുടര്‍ന്ന് രാജീവ് ശിവശങ്കറിന്റെ കുഞ്ഞാലിത്തിര എന്ന നോവലിന്റെ ചര്‍ച്ചയും സംഘടിപ്പിക്കുന്നു. കെ.ഗിരീഷ് കുമാര്‍, ദിനേശ് വര്‍മ്മ, രാജീവ് ശിവശങ്കര്‍, സന്ധ്യ സുരേന്ദ്രന്‍ എന്നിവര്‍ പരിപാടിയില്‍ പങ്കെടുക്കും.
Comments are closed.