രക്തസാക്ഷികളുടെ ചോരത്തുള്ളികളായ ചുവന്നപൂക്കള്‍

പി കെ പാറക്കടവിന്റെ ‘ഇടിമിന്നലുകളുടെ പ്രണയ’ത്തിൽ നിന്ന് ഒരു ഭാഗം- (ഇടിമിന്നലുകളുടെ പ്രണയവും മീസാൻ കല്ലുകളുടെ കാവലും)

ഭൂമിക്കടിയിൽ നിന്നും പൊന്തി വന്ന് നമ്മെ നോക്കുന്ന രക്തസാക്ഷികളുടെ ചോരത്തുള്ളികളാണ് ഈ ചുവന്ന പൂവെന്നു ഗസ്സാൻ കനഫാനിയുടെ ഒരു കഥാ പാത്രം പറയുന്നുണ്ടെന്ന് നീ. പ്രണയത്തെക്കുറിച്ചും പോരാട്ടത്തെ ക്കുറിച്ചും മരണത്തെക്കുറിച്ചും അന്ന് നമ്മൾ സംസാരിച്ചുകൊണ്ടിരുന്നു. പോകുമ്പോൾ നീയൊരു കവിത ചൊല്ലി.

ഒടുവിൽ കണ്ണുകളിൽ ഒരുമ്മ തന്ന് നീ പടിയിറങ്ങി. തെരുവിലേക്ക് നോക്കി ഞാനേറെ നേരം നിന്നു. തെരുവ്  ശൂന്യമായിരുന്നു. അവിടവിടെയായി റോന്ത്‌ ചുറ്റുന്ന പട്ടാളക്കാർ മാത്രം