ഉണ്ണിക്കൃഷ്‌ണൻ ബി യുടെ ‘എഴുത്തിന്റെ കാമനയും കാമനയുടെ എഴുത്തും’; പുസ്‌തക പ്രകാശനവും ചർച്ചാ സമ്മേളനങ്ങളും നവംബർ 30ന്

On Nov 21, 2024

ഉണ്ണിക്കൃഷ്‌ണൻ ബി രചിച്ച എഴുത്തിന്റെ കാമനയും കാമനയുടെ എഴുത്തും എന്ന പുസ്‌തകത്തിന്റെ പ്രകാശനവും ചർച്ചാ സമ്മേളനങ്ങളും 2024 നവംബർ 30, ശനിയാഴ്‌ച രാവിലെ പത്ത് മണി മുതൽ എറണാകുളം ചാവറ കൾച്ചറൽ സെന്ററിൽ നടക്കും. വൈകുന്നേരം അഞ്ച് മണിക്ക് നടക്കുന്ന പ്രകാശന ചടങ്ങിൽ കെ സി നാരായണനിൽ നിന്നും എം വി നാരായണൻ പുസ്തകം സ്വീകരിക്കും. മലയാള വിമർശനത്തിലെ ഘടനാവാദാനന്തരസിദ്ധാന്തങ്ങളുടെ ആദ്യ പ്രയോക്താക്കളിലൊരാളായ ഉണ്ണിക്കൃഷ്‌ണൻ ബി 1990-2024 കാലയളവിലെഴുതിയ ലേഖനങ്ങളുടെ സമാഹാരമാണ് ഈ കൃതി. പുസ്‌തകം പിന്തുടരുന്ന ചർച്ചാ ബിന്ദുക്കളെ കേന്ദ്രമാക്കിയുള്ള സംവാദങ്ങളും ശനിയാഴ്ച രാവിലെ മുതൽ നടക്കും.