നാല് വൈറസുകൾ ഈ ഭൂമിയിൽ നിന്ന് അപ്രത്യക്ഷമാകും, ഒരു സഹാനുഭൂതിയും തോന്നുന്നില്ല: ദീപാ നിശാന്ത്

വര്‍ഷങ്ങള്‍ നീണ്ട ആളിപ്പടര്‍ന്ന പ്രതിഷേധങ്ങള്‍ക്കൊടുവില്‍ ഇന്ന് പുലര്‍ച്ചെയാണ് നിര്‍ഭയ കേസിലെ നാല് പ്രതികളെയും തൂക്കിലേറ്റിയത്. പ്രതികളെ തൂക്കിലേറ്റുന്നതിന് മണിക്കൂറുകള്‍ക്ക് മുന്‍പ് വികാരനിര്‍ഭരമായ കുറിപ്പുമായി അധ്യാപികയും എഴുത്തുകാരിയുമായ ദീപാ നിശാന്ത്. നിര്‍ഭയയുടെ അമ്മ കടന്നുപോയ വേദനകളുടെ വഴികളെ ഓര്‍മിപ്പിച്ചുകൊണ്ടാണ് ദീപാ നിശാന്തിന്റെ ഫേസ്ബുക്ക് കുറിപ്പ്.

ദീപാ നിശാന്തിന്റെ ഫേസ്ബുക്ക് കുറിപ്പ് വായിക്കാം

ആശുപത്രിക്കിടക്കയിൽ അനിർവചനീയമായ വേദനയില്‍ പിടയുമ്പോഴും അസാധാരണമായ ധൈര്യവും ആത്മവിശ്വാസവും പ്രകടിപ്പിച്ച് ,തന്നെ ക്രൂരമായി കീഴ്പ്പെടുത്തുന്നതിനിടെ അക്രമികള്‍ പരസ്പരം പേരുവിളിച്ചതിന്‍റെ ഓര്‍മ്മയില്‍ ഉപദ്രവിച്ചവരുടെ പേരുകള്‍ ഒന്നൊന്നായി എഴുതി നൽകിയ പെൺകുട്ടിയുടെ അമ്മയാണിത്..

മരണത്തോട് മല്ലിട്ട് കിടക്കുമ്പോഴും, ആന്തരികാവയവങ്ങൾ പോലും തകർക്കപ്പെട്ട് സംസാരിക്കാന്‍ പോലും കഴിയാത്ത അവസ്ഥയിലും ആ പെൺകുട്ടി അവരുടെ പേരുകള്‍ മറന്നില്ല.

അവളുടെ അമ്മയും മറന്നില്ല..