ഡി സി ബുക്സ് Author In Focus-ൽ സി.വി ബാലകൃഷ്ണന്‍
മലയാളസാഹിത്യത്തില്‍ അനുഭവതീക്ഷ്ണമായ കഥകള്‍ കൊണ്ട് വായനക്കാരെ പ്രചോദിപ്പിച്ച എഴുത്തുകാരനാണ് സി.വി ബാലകൃഷ്ണന്‍, നിരവധി കഥകളിലൂടെ ആധുനികതയിലേക്ക് തേരുതെളിച്ച അതുല്യ സാഹിത്യകാരന്‍. പല ശ്രേണികളിലെ ജീവിതാനുഭവങ്ങള്‍ യാഥാര്‍ത്ഥ്യവും ഭ്രമാത്മകതയും ഇടകലര്‍ത്തിക്കൊണ്ട് അതീവസൂക്ഷ്മതയോടെയാണ് അദ്ദേഹം തന്റെ രചനകളിലൂടെ പകര്‍ത്തിക്കാട്ടിയത്. സി.വി ബാലകൃഷ്ണ നാണ് ഇന്ന് ഡി സി ബുക്സ് Author In Focus-ൽ.
മലയാളത്തിലെ ശ്രദ്ധേയ എഴുത്തുകാരുടെ രചനകളെ വീണ്ടും ഓര്‍ത്തെടുക്കാനും അവരുടെ കൃതികള്‍ വായനക്കാര്‍ക്ക് വായിച്ചാസ്വദിക്കുവാനും ഡി സി ബുക്സ് ഒരുക്കുന്ന പരിപാടിയാണ് Author In Focus. ഓരോ ദിവസവും മലയാളത്തിലെ മികച്ച എഴുത്തുകാരെയാണ് Author In Focus-ലൂടെ പരിചയപ്പെടുത്തുക. എഴുത്തുകാരെയും അവരുടെ പുസ്തകങ്ങളെയും ആഴത്തിൽ അറിയാനും മനസ്സിലാക്കാനും ഒപ്പം ഡി സി ബുക്സ് പ്രസിദ്ധീകരിച്ച അവരുടെ കൃതികള്‍ വായനക്കാർക്ക് അടുത്ത് അറിയാനും അവസരം ഉണ്ട്.
എഴുത്തുകാരനെക്കുറിച്ച്
നോവലിസ്റ്റ്, കഥാകൃത്ത്, തിരക്കഥാകൃത്ത്. അറുപതിലേറെ കൃതികള്‍. ആത്മാവിനു ശരിയെന്നു തോന്നുന്ന കാര്യങ്ങള്‍ (നോവല്‍), പരല്‍മീന്‍ നീന്തുന്ന പാടം (ആത്മകഥ) കേരള സാഹിത്യ അക്കാദമി അവാര്‍ഡും സിനിമയുടെ ഇടങ്ങള്‍ മികച്ച ചലച്ചിത്ര ഗ്രന്ഥത്തിനുള്ള സംസ്ഥാന അവാര്‍ഡും നേടി. സമഗ്രസംഭാവനയ്ക്ക് മുട്ടത്തുവര്‍ക്കി അവാര്‍ഡ്, പത്മപ്രഭാ പുരസ്‌കാരം, ബഷീര്‍ പുരസ്‌കാരം, ഒ. ചന്തുമേനോന്‍ പുരസ്‌കാരം, മുണ്ടൂര്‍ കൃഷ്ണന്‍കുട്ടി പുരസ്‌കാരം, ശാന്തകുമാരന്‍ തമ്പി സ്മാരക പുരസ്‌കാരം എന്നിവ നേടി.
ഡി സി ബുക്സ് പ്രസിദ്ധീകരിച്ച സി.വി. ബാലകൃഷ്ണന്റെ കൃതികള്‍ വാങ്ങുന്നതിനായി സന്ദര്‍ശിക്കുക
Comments are closed.