സി.വി. ശ്രീരാമൻ സ്മൃതി പുരസ്കാരം സലിം ഷെരീഫിന് സമ്മാനിച്ചു

സി.വി. ശ്രീരാമൻ സ്മൃതി പുരസ്കാരം സലിം ഷെരീഫിന് സമ്മാനിച്ചു.  ഡി സി ബുക്സ് പ്രസിദ്ധീകരിച്ച സലീം ഷെരീഫിൻ്റെ ‘പൂക്കാരൻ‘ എന്ന കഥാസമാഹാരത്തിനാണ് പുരസ്കാരം. എഴുത്തുകാരൻ എസ്. ഹരീഷ് സമ്മേളനം ഉദ്ഘാടനം ചെയ്‌തു. വീരവാദവും ഇരവാദവും ഉന്നയിക്കാതെ ശാന്തമായി കഥകൾ എഴുതിയിരുന്നയാളാണ് സി.വി. ശ്രീരാമനെന്നും ജീവിതത്തിൽ മിതത്വം എഴുത്തിലും പാലിച്ചിരുന്നതായും അദ്ദേഹം പറഞ്ഞു.

ട്രസ്റ്റ് ചെയർമാൻ വി.കെ. ശ്രീരാമൻ അധ്യക്ഷനായി. ജീവിതത്തിന്റെ പ്രതിനിധികൾ എന്ന വിഷയത്തിൽ നിരൂപക ജി. ഉഷാകുമാരി സ്‌മാരകപ്രഭാഷണം നടത്തി. ട്രസ്റ്റ് സെക്രട്ടറി ടി.കെ. വാസു, എം.എൻ. സത്യൻ, നഗരസഭാ ചെയർപേഴ്‌സൺ സീതാ രവീന്ദ്രൻ, കെ.എ. മോഹൻദാസ്, പി.എസ്. ഷാനു എന്നിവർ പ്രസംഗിച്ചു.