വി.സുനില്‍കുമാറിന്റെ ‘സുസ്ഥിര നിര്‍മ്മിതികള്‍’; പുസ്തകപ്രകാശനം ഷാര്‍ജയില്‍
38-ാമത് ഷാര്‍ജ അന്താരാഷ്ട്ര പുസ്തകോത്സവത്തിന്റെ ഭാഗമായി ഡി സി ബുക്‌സ് പ്രസിദ്ധീകരിച്ച വി.സുനില്‍കുമാറിന്റെ സുസ്ഥിര നിര്‍മ്മിതികള്‍ എന്ന കൃതിയുടെ പുസ്തകപ്രകാശനം സംഘടിപ്പിക്കുന്നു. ഡി.എം. ഹെല്‍ത്ത് കെയര്‍ ചെയര്‍മാനും മാനേജിങ് ഡയറക്ടറുമായ ഡോ.ആസാദ് മൂപ്പനാണ് പ്രകാശനം നിര്‍വ്വഹിക്കുക. നവംബര്‍ ഒന്നാം തീയതി വൈകിട്ട് 9 മണിക്ക് ഷാര്‍ജ എക്‌സ്‌പോ സെന്ററില്‍ ഫോറം 2-ലെ ഹാള്‍ നമ്പര്‍ 7-ല്‍ വെച്ചാണ് പുസ്തകപ്രകാശനം.
വ്യവസായത്തിലും ജീവിതത്തിലും വിജയം കൈവരിക്കാനാവശ്യമായ അറിവുകള്‍ ജീവിതാനുഭവങ്ങളില്‍ നിന്ന് പകര്‍ന്നുനല്‍കുന്ന വി.സുനില്‍കുമാറിന്റെ കൃതിയാണ് സുസ്ഥിര നിര്‍മ്മിതികള്‍. പ്രതിസന്ധികളില്‍ തളര്‍ന്നുവീഴാതെ മുന്നോട്ടു നടക്കാന്‍ നമ്മെ പ്രചോദിപ്പിക്കുന്ന രചനയാണിത്. കൂടുതല്‍ ചിന്തിക്കുവാനും പുതിയ വഴികള്‍ അന്വേഷിക്കുവാനും പ്രേരിപ്പിക്കുന്ന ഈ പുസ്തകം ഓരോ വ്യക്തിയുടെയും പരിമിതികളെ സ്വയം അതിജീവിക്കുവാനുള്ള രഹസ്യങ്ങള്‍ ലളിതമായി വിശദീകരിക്കുന്നു.
Comments are closed.