ആനന്ദൻ ചെറായി സ്മാരക സാഹിത്യശ്രീ കവിതാപുരസ്ക്കാരം ദിവാകരൻ വിഷ്ണുമംഗലത്തിന്

നോർത്ത് പറവൂർ ആസ്ഥാനമായി പ്രവർത്തിക്കുന്ന സാഹിത്യപ്രവർത്തക സ്വാശ്രയ സംഘം ഏർപ്പെടുത്തിയ ആനന്ദൻ ചെറായി സ്മാരക സാഹിത്യശ്രീ കവിതാ പുരസ്കാരത്തിന് ദിവാകരൻ വിഷ്ണുമംഗലം അർഹനായി.
ഡി സി ബുക്സ് പ്രസിദ്ധീകരിച്ച “അഭിന്നം ” എന്ന കവിതാ സമാഹാരത്തിനാണ് പുരസ്കാരം ലഭിച്ചത്. 10001 രൂപയും ഫലകവും പ്രശസ്തിപത്രവും അടങ്ങുന്ന അവാർഡ് ജൂൺ 4 ന് നോർത്ത് പറവൂർ ചെറായിയിൽ നടക്കുന്ന സംഘത്തിന്റെ വാർഷിക സമ്മേളനത്തിൽ വെച്ച് പുരസ്ക്കാരം സമ്മാനിക്കും.

2021 ൽ പ്രസിദ്ധീകരിച്ച “അഭിന്നം ” ഇതിനകം വെൺമണി അവാർഡ് , യുവകലാസാഹിതിയുടെ വയലാർ കവിതാ പുരസ്ക്കാരം, മാധവിക്കുട്ടി സ്മാര കവിതാ അവാർഡ് തുടങ്ങി നിരവധി പുരസ്ക്കാരങ്ങൾക്ക് അർഹമായിട്ടുണ്ട്.