പച്ചക്കുതിര; ജൂലൈ ലക്കം ഇപ്പോള്‍ വില്‍പ്പനയില്‍

ഡി സി ബുക്‌സിന്റെ സാംസ്‌കാരികമാസികയായ ‘പച്ചക്കുതിര’  ജൂലൈ ലക്കം ഇപ്പോള്‍ വില്‍പ്പനയില്‍.  25 രൂപയാണ് ഒരു ലക്കത്തിന്റെ വില. ഡി സി ബുക്സ് – കറന്റ് ബുക്സ് ഷോറൂമുകളിലും പ്രധാനപ്പെട്ട ന്യൂസ് സ്റ്റാന്റുകളിലും നേരിട്ട് വാങ്ങാൻ കിട്ടും.

ഉള്ളടക്കം

• അക്ഷരങ്ങളേ നന്ദി : ഇരുപതുവർഷം മുമ്പ്, എം. ടി. വാസുദേവൻനായർക്ക് 70 വയസ്സ് പൂർത്തിയായപ്പോൾ കെ. പി. മോഹനൻ നടത്തിയ വളരെ വ്യത്യസ്തവും മുമ്പെവിടെയും അച്ചടിക്കപ്പെടാത്തതുമായ ദീർഘമായ ഒരഭിമുഖം. എം. ടി 90 വയസ്സിലേക്ക് പ്രവേശിക്കുന്ന ഈ സന്ദർഭത്തിൽ പച്ചക്കുതിരയിൽ അത് വായിക്കൂ. പുനലൂർ രാജൻ, റസാഖ് കോട്ടക്കൽ എന്നിവരെടുത്ത ഛായകളും.
• പ്രണയവിസ്ഫോടനങ്ങൾ അവതരിപ്പിക്കുന്ന മൂന്ന് ലേഖനങ്ങൾ

1. സ്വവർഗ്ഗാനുരാഗികളിലെ ‘ ആണും പെണ്ണും’ : ഡോ. ശ്രീകല മുല്ലശ്ശേരി.
2. ഒരു സൂക്ഷ്മജീവിയുടെ പ്രണയജീവിതം : റാഷിദ നസ്രിയ.
3. എന്റെ പ്രണയപരീക്ഷണങ്ങൾ : ഡോ. റാണി ബിനോയ്. മനോജ് വയനാന്റെ ചിത്രങ്ങളോടെ.

• അക്ബർ രാമായണം: ഡോ. അസീസ് തരുവണ.
• ഭാസനു ചുറ്റും രൂപപ്പെട്ട സ്ത്രീകൾ : ഗോപകുമാർ.
• കുളിപ്പുരയിലെ രഹസ്യം : ഷനോജ് ആർ. ചന്ദ്രന്റെ കഥ. അഞ്ജു പുന്നത്തിന്റെ വരയും.
• മൂന്നു കവിതകൾ: പി. എം. ഗോവിന്ദനുണ്ണി, ഐഷു ഹഷ്ന, ശങ്കരൻ കോറോം.