പി.ഭാസ്കരൻ ജന്മശതാബ്‌ദി പുരസ്കാരം അരവിന്ദൻ കെ.എസ്. മംഗലത്തിന്
വൈക്കം: ഡൽഹി വൈക്കം സംഗമം മലയാളി അസോസിയേഷൻ പ്രഖ്യാപിച്ച പി.ഭാസ്കരൻ ജന്മശതാബ്‌ദി പുരസ്കാരം കവി അരവിന്ദൻ കെ.എസ്. മംഗലത്തിന്. ഡി സി ബുക്സ് പ്രസിദ്ധീകരിച്ച അദ്ദേഹത്തിന്റെ ‘കവര്‘ എന്ന കാവ്യപുസ്തകത്തിനാണ് പുരസ്കാരം. ഡി സി ബുക്സ് 
പ്രസിദ്ധീകരണവിഭാഗത്തിൽ എഡിറ്ററാണ് അരവിന്ദൻ കെ എസ് മംഗലം. 25,000 രൂപയും ശില്പവും
പ്രശസ്‌തിപത്രവുമടങ്ങുന്ന പുരസ്കാരം 23-ന് ഡൽഹിയിൽ നടക്കുന്ന ചടങ്ങിൽ ഗാനരചയിതാവ് ശ്രീകുമാരൻ തമ്പി സമ്മാനിക്കുമെന്ന് അസോസിയേഷൻ പ്രസിഡൻ്റ് അജിത്ത് മഴുവഞ്ചേരിൽ, സെക്രട്ടറി ഷെർലി രാജൻ എന്നിവർ അറിയിച്ചു.
ആഴമാർന്ന ജീവിതാവബോധവും അനുഭവതീവ്രതയും ദാർശനികമായ ഉൾക്കാഴ്ചയും ചൈതന്യവത്താക്കുന്ന കവിതകളാണ് ‘കവര്’ എന്ന കാവ്യസമാഹാരത്തിലുള്ളത്. അവ്യാഖ്യേയവും അനിർവചനീയവുമായ ജീവിതത്തിന്റെ സൂക്ഷ്മ തലങ്ങൾ ഈ കവിതകളിൽ അനാവൃതമാകുന്നു. സാംസ്‌കാരികഭിന്നാത്മകത ഇവിടെ ഭാഷയുടെ ഉത്സവംപോലെ ആഘോഷിക്കപ്പെടുന്നു. ശക്തമായ ബിംബങ്ങളും ഒഴുക്കുള്ള വരികളും ദൃഢമായ പദസമന്വയവും ഈ കവിതകളെ ഓർമ്മിക്കത്തക്കതാക്കുന്നു.
അരവിന്ദന്‍ കെ.എസ്.മംഗലത്തിന്റെ പുസ്തകങ്ങള്‍ക്കായി ക്ലിക്ക് ചെയ്യൂ