പക്ഷേ: ഉമേഷ് ബാബു കെ സി എഴുതിയ കവിത

ചോദ്യം ചെയ്യാതിരിക്കുന്നതെങ്ങനെ
എന്ന ചോദ്യത്തിൽ പെട്ടവനെ
ദൈവം തുണക്കില്ല.
നരകപ്പടിക്കെട്ടുകൾ പോലും താങ്ങില്ല.
ഉഴവുചാലിലെ
വിത്തുകൾക്കകത്തും
അവനെതിരെ
ഒരു ചിരി വിരിയും.
കാട്ടുമരങ്ങൾ പരിഹസിക്കും.
ചോലവെള്ളം
ചെളിതെറിപ്പിക്കും.
ഇഴഞ്ഞുനടക്കുന്ന
ഞാഞ്ഞൂലുകൾക്കുവരെ
അയാൾ അനാവശ്യമാകും.

വഴിയരികിലെ പ്രതിമകളോ
ടെലിവിഷൻസ്ക്രീനുകളോ
വച്ചല്ലാതെ ലോകമളക്കുന്നവരെ,
തുടലഴിഞ്ഞ പ്രേതങ്ങൾ
കാത്തുനിൽപ്പുണ്ട്,
അഗ്നിഹാരങ്ങളും
രക്തഘോഷങ്ങളുമായി.

ഇവിടെയടുത്താണ് സ്വർഗ്ഗം;
മോക്ഷം; രാജപദം,
ആത്മദർശനം; തുരീയാനന്ദം
എന്നിങ്ങനെ
വാഗ്ദാനഘോഷങ്ങളുമായി
ദേവദേവന്മാരുടെ
പിന്നണികൂടി വരും.

പൂര്‍ണ്ണരൂപം 2024 ഒക്ടോബർ ലക്കം പച്ചക്കുതിരയില്‍

ഡിജിറ്റല്‍ പതിപ്പിനായി സന്ദര്‍ശിക്കുക

ഡി സി / കറന്റ് പുസ്തകശാലകളിലും ഒക്ടോബർ ലക്കം ലഭ്യമാണ്‌