കേന്ദ്ര സാഹിത്യ അക്കാദമി യുവ പുരസ്കാരം ശ്യാംകൃഷ്ണൻ ആർ ന്
ഈ വർഷത്തെ കേന്ദ്രസാഹിത്യ അക്കാദമി യുവ പുരസ്കാരം ശ്യാംകൃഷ്ണൻ ആർ ന്. ഡി സി ബുക്സ് പ്രസിദ്ധീകരിച്ച ‘മീശക്കള്ളൻ‘ എന്ന കഥാസമാഹാരത്തിനാണ് പുരസ്കാരം.
ഡോ. അജിതൻ മേനോത്ത് , ഡോ. ശ്രീകുമാർ എ ജി, ഡോ ഇ വി രാമകൃഷ്ണൻ എന്നിവരടങ്ങുന്ന ജൂറിയാണ് യുവ പുരസ്കാർ ജേതാവിനെ തിരഞ്ഞെടുത്തത്. ഫലകവും 50000 രൂപയുമാണ് പുരസ്‌കാരമായി ലഭിക്കുക.
നമുക്കേറെ പരിചിതമെന്നു തോന്നിക്കുന്ന വിഷയങ്ങളാണ് ശ്യാം കൃഷ്ണൻ തന്റെ കഥകൾക്കായുള്ള പ്രമേയങ്ങളായി സ്വീകരിക്കുന്നത്. അതേസമയം കഥകളായി മാറുമ്പോൾ അവയ്ക്ക് അത്ഭുതകരമായൊരു രാസപരിവർത്തനം സംഭവിക്കുന്നു. കഥകൾ പറയാൻ അയത്നലളിതമായ, ഒട്ടുമേ ആർഭാടമില്ലാത്ത ഒരു ഭാഷ അയാൾക്കുണ്ട്. ഇത്രയും സുതാര്യമായൊരു ഭാഷ സ്വായത്തമാക്കുക എന്നതുതന്നെയാണ് ഒരെഴുത്തുകാരൻ ആദ്യം കൊയ്യുന്ന വിജയം. വിശുദ്ധമായൊരു തീർത്ഥാടനത്തിലെന്നതുപോലെ ഒറ്റയൊറ്റയടികൾ വച്ച് കഥാകാരൻ ഉയരങ്ങളിലേക്കുള്ള നടപ്പാതകളിലൂടെ നടക്കുന്നു. പതുക്കെപ്പതുക്കെ വലിയ മലകൾ അയാൾക്കു മുന്നിൽ തലകുനിക്കുന്നതും അസാധാരണമായ കഥകൾ ഉരുവം കൊള്ളുന്നതും നാം അറിയുന്നു.
Comments are closed.