നൊബേൽ ജേതാവായ കനേഡിയൻ സാഹിത്യകാരി ആലിസ് മൺറോ വിടവാങ്ങി

ആലീസ് മണ്‍റോയുടെ DANCE OF THE HAPPY SHADES എന്ന പുസ്തകത്തിന്റെ മലയാള പരിഭാഷ ‘സന്തുഷ്ട നിഴലുകളുടെ നൃത്തം’ എന്ന പേരില്‍ ഡി സി ബുക്‌സാണ് പ്രസിദ്ധീകരിച്ചത്. ആലീസ് മണ്‍റോയുടെ ഏറ്റവും മികച്ച കഥകളുടെ സമാഹാരമാണ് ‘സന്തുഷ്ട നിഴലുകളുടെ നൃത്തം’. മനുഷ്യാവസ്ഥകളുടെ ദുരിത സന്ധികളെ കടഞ്ഞെടുക്കുന്ന ഈ കഥകള്‍ സാധാരണക്കാരായ സ്ത്രീ-പുരുഷന്മാരുടെ ഭയം, വിഹ്വലത, ആകാംക്ഷ, ഉത്കണ്ഠ, പ്രതീക്ഷ, നിരാശ, കുറ്റബോധം, പ്രായശ്ചിത്തം തുടങ്ങിയ സാര്‍വ്വലൗകിക വികാരങ്ങളെ വൈകാരികതയ്ക്കപ്പുറം നില്‍ക്കുന്ന വിചാരതീവ്രമായ തീര്‍ച്ചകളോടെ ആവിഷ്‌കരിക്കുന്നു. ലളിതമായ ഭാഷയിലൂടെയും നേര്‍വിവരണങ്ങളിലൂടെയും ശ്രദ്ധേയമായ ആഖ്യാനത്തിലൂടെയും ഗ്രാമീണമായ ജീവിതക്കാഴ്ചകളുടെ രേഖപ്പെടുത്തലിലൂടെയും പ്രസാദാത്മകമായൊരു വായനാനുഭവം പകരുന്ന പതിനഞ്ചു കഥകളാണ് പുസ്തകത്തില്‍ സമാഹരിച്ചിരിക്കുന്നത്.