പി കവിതാപുരസ്‌കാരം ദിവാകരന്‍ വിഷ്ണുമംഗലത്തിന്

മഹാകവി പി. കുഞ്ഞിരാമൻ നായർ സ്മാരക ട്രസ്റ്റ് പി സ്മാരക കവിതാപുരസ്കാരം ദിവാകരന്‍ വിഷ്ണുമംഗലത്തിന്.  ഡി സി ബുക്സ് പ്രസിദ്ധീകരിച്ച “അഭിന്നം ” എന്ന കവിതാ സമാഹാരത്തിനാണ് അംഗീകാരം. 20,000 രൂപയും പ്രശസ്തിപത്രവും  അടങ്ങിയതാണ് പുരസ്‌കാരം. മഹാകവിയുടെ ചരമവാർഷികദിനമായ 27-ന് കൂടാളി ഹയർസെക്കൻഡറി സ്കൂളിൽ നടക്കുന്ന ചടങ്ങിൽ പി.കുഞ്ഞിരാമൻ നായർ സ്മാരക ട്രസ്റ്റ് ചെയർമാൻ കെ.ജയകുമാർ പുരസ്കാരം സമ്മാനിക്കും.

കരുണയുടെയും സ്നേഹത്തിന്റെയും നന്മയുടെയും വീണ്ടെടുപ്പിനായുള്ള അഭിന്നതയുടെ സര്‍ഗ്ഗധ്യാനമാണ് ‘അഭിന്നം’ സമാഹാരത്തിലെ കവിതകള്‍.

ദിവാകരൻ വിഷ്ണുമംഗലത്തിന്റെ പുസ്തകങ്ങൾക്കായി ക്ലിക്ക് ചെയ്യൂ