കേരള ലിറ്ററേച്ചര്‍ ഫെസ്റ്റിവല്‍ ; ഏര്‍ളി ബേര്‍ഡ് രജിസ്ട്രേഷൻ ആരംഭിച്ചു
ഏഷ്യയിലെ ഏറ്റവും വലിയ സാഹിത്യോത്സവമായ കേരള ലിറ്ററേച്ചര്‍ ഫെസ്റ്റിവല്‍ ഏഴാം പതിപ്പിന്റെ ഏര്‍ളി ബേര്‍ഡ് രജിസ്ട്രേഷൻ ആരംഭിച്ചു. ഏര്‍ളി ബേര്‍ഡ് രജിസ്‌ട്രേഷന്‍ ചെയ്യുന്നവര്‍ക്ക് 1199 രൂപയുടെ ഡെലിഗേറ്റ് പാസ്സ് 999 രൂപയ്ക്ക് ലഭിക്കും. ഡിസംബർ 10 വരെ രജിസ്റ്റര്‍ ചെയ്യുന്നവര്‍ക്ക് മാത്രമാകും ഈ ആനുകൂല്യം ലഭിക്കുക.
കെ എൽ എഫ് ഏഴാം പതിപ്പ് 2024 ജനുവരി 11, 12, 13, 14 തീയതികളില്‍ സാഹിത്യ നഗരിയായ കോഴിക്കോട് കടപ്പുറത്ത് നടക്കും. ഡി സി കിഴക്കെമുറി ഫൗണ്ടേഷന്റെ ആഭിമുഖ്യത്തില്‍ നടത്തുന്ന ഈ സാഹിത്യോത്സവത്തില്‍ സമകാലിക കലാ-സാഹിത്യ-സാംസ്‌കാരിക-സാമൂഹിക വിഷയങ്ങളില്‍ സജീവമായ ചര്‍ച്ചകള്‍ക്കും സംവാദങ്ങള്‍ക്കും വഴിയൊരുക്കിക്കൊണ്ട് പ്രമുഖര്‍ പങ്കെടുക്കും. മുൻ പതിപ്പുകളിൽ നിന്ന് വേറിട്ട് നിൽക്കുന്ന പുതുമയേറിയ സാഹിത്യോത്സവത്തിന്റെ ഒരുക്കങ്ങളാണ് നടന്നുകൊണ്ടിരിക്കുന്നത്. ഓർഹൻ പാമുക്കിനെയും എലിഫ് ഷെഫാക്കിനെയും ലോക സാഹിത്യത്തിന് സമ്മാനിച്ച തുർക്കിയാണ് ഇത്തവണത്തെ അതിഥി രാജ്യം. പത്തോളം വിദേശ രാജ്യങ്ങളിൽ നിന്നുൾപ്പെടെ നാന്നൂറിലധികം എഴുത്തുകാർ സാഹിത്യോത്സവത്തിൽ പങ്കെടുക്കുന്നുണ്ട്.
ഏര്‍ളി ബേര്‍ഡ് രജിസ്‌ട്രേഷന്‍ ചെയ്യുന്നവര്‍ക്ക് ലഭിക്കുന്ന മറ്റ് ആനുകൂല്യങ്ങള്‍
- ഡെലിഗേറ്റ്‌സിനായി പ്രത്യേക സെഷനുകള്‍
- ടോട്ട് ബാഗ്
- ഡിസൈനര്‍ നോട്ട്ബുക്ക്
- ഫ്രണ്ട്സ് ഓഫ് കെഎൽഎഫ് ടാഗ്
- ഫെസ്റ്റിവല്‍ കലണ്ടര്‍
- പുസ്തകങ്ങള്‍ എഴുത്തുകാരുടെ കൈയ്യൊപ്പോടെ സ്വന്തമാക്കാന്‍ പ്രത്യേക അവസരങ്ങള്‍
- ഫെസ്റ്റിവല്‍ ബുക്‌സ്റ്റോറില്‍ നിന്നും റെഡീം ചെയ്യാവുന്ന 150 രൂപയുടെ ഗിഫ്റ്റ് കൂപ്പണ്‍
- ഡി സി ബുക്‌സ് ഓണ്‍ലൈന്‍ സ്‌റ്റോറില്‍ നിന്നും റെഡീം ചെയ്യാവുന്ന 150 രൂപയുടെ ഗിഫ്റ്റ് കൂപ്പണ്‍
അന്താരാഷ്ട്രതലത്തില്‍ സാംസ്‌കാരിക കേരളത്തിന്റെ യശസ്സ് ഉയര്‍ത്തിയ കേരള ലിറ്ററേച്ചര്‍ ഫെസ്റ്റിവല്‍ ലോകത്തിലെ മറ്റേത് സാഹിത്യോത്സവങ്ങളില്‍ നിന്നും ഏറെ വ്യത്യസ്തമാണ്. പൂര്‍ണ്ണമായും ജനങ്ങളുടെ പങ്കാളിത്തത്തോടെയുള്ള സാഹിത്യോത്സവമാണിത്.
Comments are closed.