ഡി സി ബുക്സ് സുവര്‍ണ്ണജൂബിലി പുസ്തകപ്രകാശനം സെപ്റ്റംബർ 9ന്
ഡി സി ബുക്‌സിന്റെ 49-ാം വാര്‍ഷികാഘോഷവും 25-ാമത് ഡി സി കിഴക്കെമുറി സ്മാരകപ്രഭാഷണവും സെപ്റ്റംബർ 9ന് കോട്ടയം മാമ്മൻമാപ്പിള ഹാളില്‍ നടക്കും. സുവര്‍ണ്ണവര്‍ഷാഘോഷങ്ങളോടനുബന്ധിച്ച് ഡി സി ബുക്സ് പ്രസിദ്ധീകരിക്കുന്ന ഏറ്റവും പുതിയ പുസ്തകങ്ങളുടെ പ്രകാശനചടങ്ങ് ഉച്ചതിരിഞ്ഞ് മൂന്ന് മണിക്ക് നടക്കും. സച്ചിദാനന്ദന്‍, സക്കറിയ, ടി. ഡി. രാമകൃഷ്ണന്‍, വി. ജെ. ജയിംസ്, വിനോയ് തോമസ്, വി. ഷിനിലാല്‍, പനമ്പിള്ളി അരവിന്ദാക്ഷമേനോന്‍, ദുര്‍ഗ്ഗാപ്രസാദ്, ഗണേഷ് പുത്തൂര്‍, ശ്രീകാന്ത് താമരശ്ശേരി, വിജയലക്ഷ്മി എന്നിവര്‍ സുവര്‍ണ്ണജൂബിലി പുസ്തകപ്രകാശനത്തിന്റെ ഭാഗമാകും.
പ്രകാശിപ്പിക്കുന്ന പുസ്തകങ്ങള്‍
പറക്കും സ്ത്രീ/ സക്കറിയ, നദിക്കള്‍ക്കടിയിലെ നദി / സച്ചിദാനന്ദന്‍, ഗജവും അജവും മണ്ടത്തരങ്ങളും/ റ്റി ജെ എസ്, സഞ്ചാരിമരങ്ങള്‍/ കെ ജി എസ്, മാലി അല്‍മെയ്ദയുടെ ഏഴ് നിലാവുകള്‍/ ഷെഹാന്‍ കരുണതിലക, മൈത്രിയുടെ ലോകജീവിതം/ സുനില്‍ പി ഇളയിടം, മുതല്‍/വിനോയ് തോമസ് , ഇരു /വി. ഷിനിലാല്‍, യുക്തിവാദം-സ്വതന്ത്രചിന്ത-നവോത്ഥാനം/ എഡിറ്റര്‍: അരവിന്ദാക്ഷമേനോന്‍, തമിഴ്പ്പാവ/ വിജയലക്ഷ്മി, രാത്രിയില്‍ അച്ചാങ്കര/ ദുര്‍ഗ്ഗാപ്രസാദ് , അമ്മ വരയ്ക്കുന്ന വീട്/ ഗണേഷ് പുത്തൂര്‍, കടല്‍ കടന്ന കറിവേപ്പുകള്‍/ ശ്രീകാന്ത് താമരശ്ശേരി, നവാല്‍ രവികാന്തിന്റെ ജീവിതവിജയചര്യകള്‍/ എറിക് ജോര്‍ജെന്‍സണ്‍, ഷിന്റിന്‍ യോക്കു/ ഹെക്റ്റര്‍ ഗാര്‍സിയ, ഫ്രാന്‍സെസ്‌ക് മിറാലെസ്.
ഡി സി ബുക്സ് 49-ാം വാര്‍ഷികം രാവിലെ 11 ന് തിരുവഞ്ചൂര്‍ രാധാകൃഷ്ണന്‍ എം എല്‍ എ ഉദ്ഘാടനം ചെയ്യും. ‘വിശ്വാസം: ഭാവന, ചരിത്രം, ജീവിതം’ എന്ന വിഷയത്തില്‍ സുനില്‍ പി ഇളയിടം മുഖ്യപ്രഭാഷണം നടത്തും. വി. ജെ. ജയിംസ്, ടി ഡി രാമകൃഷ്ണന്‍ എന്നിവർ ചടങ്ങിൽ പങ്കെടുക്കും. വാര്‍ഷിക സമ്മേളനം ഉദ്ഘാടനവും ഡി സി പ്രസാധന മ്യൂസിയത്തിന്റെ ലോഗോ പ്രകാശനവും വൈകുന്നേരം അഞ്ച് മണിക്ക് മന്ത്രി വി എന്‍ വാസവന്‍ നിര്‍വ്വഹിക്കും. ‘ഭാവിയുടെ പുനർവിഭാവനം’ എന്ന വിഷയത്തില്‍ വൈകീട്ട് അഞ്ച് മണിക്ക് പ്രകാശ് രാജ് ഡി സി കിഴക്കെമുറി സ്മാരകപ്രഭാഷണം നടത്തും. സക്കറിയ, കെ. ആര്‍. മീര, മനോജ് കുറൂര്‍, എസ്. ഹരീഷ്, ഉണ്ണി ആർ, ബിന്‍സി സെബാസ്റ്റ്യന്‍ (നഗരസഭാ ചെയര്‍പേഴ്‌സണ്‍, കോട്ടയം) തുടങ്ങിയവര്‍ സുവര്‍ണ്ണ ജൂബിലി ആഘോഷങ്ങളുടെ തുടക്കം കുറിക്കല്‍ ചടങ്ങിന്റെ ഭാഗമാകും. ബ്ലാക്ക് ക്ലാസിക് എന്ന പേരില്‍ പുറത്തിറക്കുന്ന അരനൂറ്റാണ്ടിലെ മലയാള സാഹിത്യം- ക്ലാസിക് പുസ്തക പരമ്പര കെ സേതുരാമന്‍ ഐ പി എസ് പ്രകാശനം ചെയ്യും.
BLACK CLASSIC
മയ്യഴിപ്പുഴയുടെ തീരങ്ങളില്‍ /എം. മുകുന്ദന്‍, ഭൂമിക്കൊരു ചരമഗീതം / ഒ എന്‍ വി കുറുപ്പ്, ഇനി ഞാന്‍ ഉറങ്ങട്ടെ / പി കെ ബാലകൃഷ്ണന്‍, കവിയുടെ കാല്പാടുകള്‍ /പി. കുഞ്ഞിരാമന്‍നായര്‍
തുടർന്ന് മലയാളത്തിന്റെ പ്രിയ ഗസല്‍ഗായകനും സംഗീത സംവിധായകനുമായ ഷഹബാസ് അമൻ ഒരുക്കുന്ന സംഗീതവിരുന്നും സംഘടിപ്പിച്ചിട്ടുണ്ട്.
നിങ്ങളുടെ സീറ്റുകള്‍ മുന്‍കൂട്ടി ബുക്ക് ചെയ്യാൻ ക്ലിക്ക് ചെയ്യൂ
*രജിസ്റ്റര്‍ ചെയ്യുന്നവര്‍ അഞ്ച് മണിക്ക് മുന്‍പായി ഹാളില്‍ എത്തിച്ചേരണം. പിന്നീട് വരുന്നവര്‍ക്ക് സീറ്റ് ലഭ്യമാകുന്നതായിരിക്കില്ല
നറുക്കെടുപ്പ് !
ഡി സി ബുക്‌സിന്റെ സമ്മേളനങ്ങളിലെ ആകര്‍ഷകഘടകങ്ങളിലൊന്നാണ് നറുക്കെടുപ്പ്. പങ്കെടുക്കുന്നവരില്‍നിന്ന് നറുക്കെടുത്ത് ഡി സി ബുക്സ് 50-ാം വാര്‍ഷികത്തിന്റെ ഭാഗമായി പ്രസിദ്ധീകരിക്കുന്ന പുസ്തകങ്ങള്‍ സമ്മാനമായി നല്‍കുന്നു.
Comments are closed.